Kĩhumũ Kĩa Athuri

Kĩhumũ Kĩa Athuri A Arĩtu A Gĩkũyũ Na Mũmbi

Airĩtu a Gĩkũyũ na Mũmbi nĩ makũrire o wega na magĩkinya handũ ha kwĩrirĩria kũgĩa na ciana  ta nyina wao. Airĩtu othe kenda tiga Wamũyũ ni amu Wamũyũ kari o kairĩtu kanyinyi ni magĩkorire nyina wao na makĩmũria ũrĩa magĩrĩirwo nĩ gwĩka nĩguo magĩe na ciana  take. No nyina wao ti Mũmbi akĩmacokeria akimera ndangĩmenya tiga oririe mũrũme.

Gĩkũyũ erwo ũhoro ũcio nĩwamũrigithirie na a kĩra mũka ati ũhoro ũcio no oririe ũrĩa matũire nake matanonana. Kiroko tene riũa rĩtanatema Gĩkũyũ otamũtũgo nĩathire mũkũyũ –inĩ harĩa maranagĩria na Ngai . Akĩrora kĩrĩma-inĩ gĩa Kĩrĩnyaga, akĩoya moko meri na igũrũ,  agithathayia Ngai na akĩmũhoya amũtaare ũria airĩtu ake mangĩgia ciana. Ngai nĩ amwathire ere airĩtu ake matonye mũtitũ na noguo wĩtaguo kiriti matinie  thanju o mũirĩtu kũringana na kĩrũgamo giake. Na meka ũguo mamũrehere mamũnengere na gũoko kwa ũrĩo acigĩrĩre kiande kia urĩo amũrehere o hau mũkũyũ-inĩ amũrũtire igongona.  Gĩkũyũ nĩekire o ũrĩa Ngai a mwathire na airĩtu othe kenda magĩtonya mũtitũ na magĩka ota ũrĩa ithe wao amathire.

Gĩkũyũ areherwo mĩtĩ ĩyo niairĩtu ake, nia mwamũkĩire na gũoko kwa ũrĩo na akĩigĩrĩra kiandeinĩ gĩake kĩa ũrĩo rũcinĩ tene na agĩthie o harĩa maranagĩria na Ngai no atanakinya akĩririkana ati ndarĩ na ngoima. No rĩrĩa agarũrũkire acoke akĩona ngoima nene ĩhatĩte mũgumoinĩ. Akĩmĩnyita  agĩthie nayo nginya mũkũyũinĩ.Gĩkũyũ nĩakinyitire ndurume ĩyo akĩmithĩnja. Gĩkũyũ nĩoire riringi  na gika na agĩthegetha mwaki agĩkĩigĩrĩra dara. Nĩacuririe gĩthuri kĩeru mũtĩinĩ ta mũtugo na gĩthuthuri kĩiru nadaraini akiroretie kĩrĩnyaga na thutha akĩigĩrĩra nyama icio ingĩ ndarainĩ.

Nĩ ũndĩ  wa ũnoru wa ngoima ĩyo, mwaki nĩwaririmbukire  nginyagia ugĩtoria mũthuri ti Gĩkũyũ. Gĩkũyũ nĩamakire tondũ rũrĩrĩmbi rwakĩririe okuririmbika na ona ndehota gũkuhĩrĩria riiko nĩ oire moko na igũrũ ororete Kĩrĩnyaga na agĩkaĩra Ngai o akĩmuthathayagia acokete na kĩhutatĩ. Arĩ oithathayania  nĩkwagĩire marurume, heni, gĩthingithia, na ngawa, na  orimwe gĩkũyũ akĩringĩka. Gĩkũyũ ndamenyire aikarire kahinda kaigana atekwĩigua no rĩria okĩrire, Harĩa riko rĩarĩ, onire anake kenda arũngaru marũngiĩ igũrũ rĩa nyeki nduru. Na orĩmwe akĩona ta ngai wetinangia atuĩka anake. Na nokĩo mũgĩkũyũ oigaga ati  ‘mwanake ni Kienyũ kia Ngai’      

Gĩkũyũ akĩrũgia akenete akĩmahimbiria akĩmahumba tũthitiri na akĩmatwara mũciĩ.

Makinya mũciĩ,  O ũguo airĩtu a Gĩkũyũ na mũmbi mona anake acio nĩ marũgirie na o mũirĩtu akĩhimbiria mwanake kũringana na kĩrũgamo.