Kĩhumo Kĩa Agĩkũyũ

Gũtirĩ nganja nĩkũĩkaine wega atĩ Gĩkũyũ na Mũmbi nĩo aciari a rũrĩrĩ  rwa Agĩkũyũ. No ningĩ ta ũrĩa tũĩ gutirĩ ũndũ ũkoniĩ kĩhumo gĩa Gĩkũyũ na mũtumia wake ti Mũmbi wanandĩkwo mabukuinĩ kuma tene ũcio wa agu tiga cia ndiganĩro kuma rũciaro rũmwe nginyagia rũrĩa rũngĩ.

Kumanagia na ng’ano icio cia ndiganĩro,Gĩkũyũ ombirwo nĩ Ngai kĩrĩma-inĩ gĩa Kĩrĩnyaga mĩaka-inĩ ĩyo ĩtoĩkaine. No gũtiũikaine Gĩkũyũ aikarire na Ngai Kĩrĩnyaga mĩaka ĩigana. No gũtirĩ nganja nĩ maikaranĩtiĩ nake kahinda karaya akũmũthomithia ũrĩa agĩrĩirwo ni gũikara na gũtũũra namũno migiro ya muikarĩre. Ũguo nĩ takuga maũndũ marĩa Ngai amwathĩte  dakanameke kana ekage nĩguo amũgocithie.

Nĩ gwakinyire kahinda Ngai agĩta Gĩkũyũ  Kĩrĩma-inĩ gĩa Kĩrĩnyaga akĩmũonereria na kaara gake harĩa egũthie gutũũra na gwaka mũciĩ wake. Gĩkũyũ agĩcũthĩrĩria na onagũtuĩka harĩ handũ haraya ma, nĩ onire atĩ harĩ handũ hathaka ma hena mĩtĩ mĩingĩ mĩnene. Na Ngai akĩmwĩra atĩ akinya, harĩa ekuona mũtĩ mũnene mwake nĩ tũnyoni tũingĩ twa nyagathanga nĩho eguaka mũciĩ wake.

Gĩkũyũ nĩagĩtumire rũgendo rucinĩ gatene na a gĩtuĩkania ng’ongo na ng’ongo na gũtiũĩkaine athire matukũ maigana. No rĩrĩa akinyire hau na akĩona mũkũrũe Mũnene mũno wa ndĩra mwake nĩ tũnyoni tũingĩ twa nyagathanga, na migumo ona mikũyũ ĩngĩ nĩanogete mũno, akahũta na akanyota. Aikara thĩ na etirania na mũtĩ ũcio wa  mũkũrũwe no gatoro kamũnyitire na agĩkoma ta toro wa nogonogo. Rĩrĩa okĩrire toro akorire mũirĩtu mũthaka mũno aikarĩte hakuhĩ nake, na agĩkena mũno na akemũtua rĩtwa akĩmwĩta Mũmbi.

Kumagia hĩndĩ ĩyo, Gĩkũyũ akĩgĩa mũtumia ti Mumbi na mehamwe magĩaka mũciĩ wao wa mbere hau rĩu twĩtaga Mũkũrũwe wa Nyagathanga.

Gĩkũyũ na Mũmbi maarathimirwo nĩ Ngai ona kinya magĩtanahĩrwo na airĩtu kenda, kenda mũiyũrũ.  Airĩtu acio nĩo aciari na kĩhumo kĩa Mĩhĩrĩga kenda mũiyũru ya Agĩkũyũ.